రైతులకు అలర్ట్.. వీరికి పీఎం కిసాన్ రూ.2 వేలు డబ్బులు రావు!

రైతులకు అలర్ట్. మీకు పీఎం కిసాన్ డబ్బులు రావడం లేదని ఆలోచిస్తున్నారా? అయితే మీరు కొన్ని విషయాలు తెలుసుకోవాలి. కొంత మందికి పీఎం కిసాన్ స్కీమ్ వర్తించదని గమనించాలి.

ప్రధానాంశాలు:

  • అన్నదాతలకు అలర్ట్

  • ఇలాంటి వారికి డబ్బులు రావు

  • స్కీమ్‌కు అనర్హులు

కేంద్ర ప్రభుత్వం రైతులకు ఆర్థిక తోడ్పాటు అందించాలనే ప్రధాన లక్ష్యంతో పీఎం కిసాన్ సమ్మాన్ నిధి యోజన పథకాన్ని అందుబాటులోకి తీసుకువచ్చింది. దీని ద్వారా మోదీ సర్కార్ అన్నదాతల బ్యాంక్ అకౌంట్లలోకి నేరుగా డబ్బులు జమ చేస్తోంది.


రైతులకు ఇప్పటికే 9 విడతల డబ్బులు అందాయి. అంటే రూ.18 వేలు వచ్చాయని చెప్పుకోవచ్చు. ఇప్పుడు మోదీ సర్కార్ మరో విడత అంటే పదో విడత డబ్బులు జమ చేయడానికి రెడీ అవుతోందని నివేదికలు పేర్కొంటున్నాయి. అంటే రూ.20 వేలు వచ్చినట్లు అవుతుంది.


అయితే పీఎం కిసాన్ స్కీమ్ కొంత మందికి వర్తించదని గమనించాలి. డాక్టర్లు, లాయర్లు, చార్టర్డ్ అకౌంటెంట్స్ వంటి వారికి పొలం ఉన్నా డబ్బులు రావు. ఆదాయపు పన్ను చెల్లించే వారికి కూడా భూమి ఉన్నా పీఎం కిసాన్ వర్తించదు. నెలకు రూ.10 వేలు లేదా ఆపైన పెన్షన్ తీసుకునే పదవీ విరమణ చేసిన ఉద్యోగులకు కూడా ఈ స్కీమ్ అందుబాటులో లేదు.


అయితే కొంత మందికి మాత్రం మినహాయింపు ఉంది. కేంద్ర రాష్ట్ర ప్రభుత్వ ఉద్యోగులకు, పదవిలో ఉన్నా లేదంటే మాజీ రాజకీయ నాయకులకు స్కీమ్ వర్తించదు. వీరికి మాత్రమే కాకుండా అర్హత కలిగిన ఉండి బ్యాంక్ అకౌంట్, ఆధార్ కార్డు వంటి వాటిల్లో వివరాలు తప్పుగా ఉన్నా కూడా పీఎం కిసాన్ డబ్బులు రావని గుర్తించాలి. ఒకే ఇంట్లో భార్యాభర్తల పేరుపై పొలం ఉంటే కేవలం ఒకరికి మాత్రమే పీఎం కిసాన్ డబ్బులు వస్తాయి. ఇద్దరికీ రావు.

0 views0 comments