ఈ పండ్లు బరువు తగ్గడంలో మీకు సహాయపడతాయి.

మారుతున్న జీవనశైలి కారణంగా వయసుతో సంబంధం లేకుండా చాలా మందిని అధిక బరువు సమస్య వేధిస్తోంది. దీంతో అధిక శాతం మంది డైటింగ్, వ్యాయామాలు, జిమ్ని ఆశ్రయిస్తున్నారు. అయితే డైటింగ్ చేస్తున్న సమయంలో అనేక జాగ్రత్తలు తీసుకోవాల్సి ఉంటుంది. లేదంటే బరువు తగ్గడం అటుంచితే.. ఇతర అనారోగ్య సమస్యలు వచ్చే ప్రమాదం ఉంది.

డైటింగ్ చేస్తున్నప్పుడు ఎక్కువగా పండ్లు, సలాడ్లు, పీచుపదార్థాలు ఎక్కువగా తీసుకోవాలి. ఇవి మీ ఆకలి నియంత్రిస్తాయి. పండ్లలో విటమిన్లు, ఖనిజాలు, ఫైబర్ అధికంగా లభిస్తాయి. ఇవి బరువు తగ్గించే లక్ష్యాలను సాధించడానికి ఎంతో సహకరిస్తాయి. తీపి పదార్థాలు తినాలనే కోరికలు మీ బరువు తగ్గించే ప్రయాణానికి ఆటంకం కలిగిస్తాయి. ముఖ్యంగా పండుగ సీజన్‌లో. అటువంటి సమయంలో పండ్లు తింటే ఎంతో ఫలితం దక్కుతుంది. ఎందుకంటే అవి ఆరోగ్యకరమైనవి, రుచికరమైనవి మాత్రమే కాకుండా మీ బరువు తగ్గించే ప్రయత్నాలకు మద్దతునిచ్చే గొప్ప మార్గం. మీరు రోజూ డైటింగ్ చేస్తున్నట్లయితే ఈ పండ్లను మీ డైట్‌లో చేర్చుకోండి.

అరటి పండు:

అరటి పండులో 23 శాతం కార్బోహైడ్రేట్లు, 1 శాతం ప్రొటీన్‌లు, 2.6 శాతం ఫైబర్ ఉంటుంది. అంతేకాకుండా అరటిపండులో పొటాషియం కూడా లభిస్తుంది. అరటి పండు సులభంగా జీర్ణమై, మలబద్ధకం రాకుండా శరీరాన్ని కాపాడుతుంది. అరటిపండు ఆకలిని తగ్గిస్తుంది. వ్యాయామానికి గంట ముందు అరటిపండుపై టేబుల్ స్పూన్ వేరుశనగ వెన్నను పూసి తింటే గొప్ప ఫలితం లభిస్తుంది. అందుకే వ్యాయామానికి ముందు అరటిపండును గొప్ప చిరుతిండిగా అభివర్ణించవచ్చు. వ్యాయామం చేసిన వారి శరీరంలో అలసిన కండరాలను అరటిపండు తిరిగి ఉత్తేజపరుస్తుంది. అలాగే కండరాల తిమ్మిర్లు తగ్గుతాయి. అరటిపండు ఇన్సులిన్ ఉత్తత్తికి ఎంతగానో తోడ్పడుతుంది. గుండె జబ్బులు రాకుండా అరటి పండును శరీరాన్ని కాపాడుతుంది. గుండెలో ఉండే నరాల ఒత్తిడిని తగ్గించి మాములు స్థాయికి తీసుకువస్తుంది.

జామపండు:

జామపండు బరువు తగ్గడానికి అనువైన పండు. జామపండులో ఎక్కువగా యాంటీ ఆక్సిడెంట్లు, విటమిన్ సి, పొటాషియం, ఫైబర్ ఉంటుంది. జామపండు తినడం వల్ల ఎక్కువకాలం జీవించవచ్చు. ఎందుకంటే ఇవి మీ జీవక్రియను నియంత్రిస్తాయి. మీ రక్తంలో చక్కెర స్థాయిలను సమతుల్యం చేస్తాయి. డయాబెటిస్ ఉన్నవారికి, బరువు తగ్గాలని భావించే వారికి జామపండు ఒక మంచి ఎంపిక. జామ పండ్లలో కొన్ని తెల్లగా ఉంటాయి. కొన్ని ఎర్రగా ఉంటాయి. ఒక జామపండు 10 ఆయిల్స్‌కి సమానం అందుకే దీనికి పేదవాడి అపిల్ అని పేరువచ్చింది. ఒకప్పుడు సీజన్‌లో మాత్రమే జామపండ్లు లభించేవి..కానీ ఇప్పుడు 365 రోజులు జామ పండ్లు అందుబాటులో ఉంటున్నాయి. కాబట్టి మానవ శరీరానికి ఎంతో మేలు చేసే జామ పండ్లను కచ్చితంగా తిని తీరాల్సిందేనని ఆరోగ్య నిపుణులు సూచిస్తున్నారు.

ఆపిల్స్:

డైటింగ్ చేసే సమయంలో మీరు తీసుకునే పండ్ల సలాడ్‌లో తప్పకుండా ఆపిల్ ఉండేలా చూసుకోవాలి. ఎందుకంటే ఆపిల్ ఆరోగ్యానికి మంచి టానిక్‌లా ఉపయోగపడుతుంది. ఈ పండులో యాంటీ ఆక్సిడెంట్లు, ఫైబర్, తక్కువ కేలరీలు ఉంటాయి. రోజుకో ఆపిల్ తీసుకుంటే అనారోగ్య సమస్య బారిన పడకుండా ఉంటారు. ఆపిల్‌లోని పీచు పదార్థం పిత్తాశయంలో రాళ్లు ఏర్పడే ప్రమాదాన్ని తగ్గిస్తుంది. ఆపిల్‌లోని విటమిన్ సి రక్తప్రసరణ సాఫీగా జరిగేలా చేస్తుంది. చెడు కొలెస్ట్రాల్‌ను తగ్గిస్తుంది. మధుమేహం వ్యాధితో బాధపడేవారు ఆపిల్ తొక్కలను ఎండబెట్టి పొడి చేసుకోవాలి. ఈ మిశ్రమాన్ని గ్లాస్ పాలలో కలిపి తీసుకుంటే వ్యాధి అదుపులో ఉంటుంది. తద్వారా రక్తంలోని గ్లూకోజ్ లెవల్స్ కంట్రోల్లో ఉంటాయి.

రక్తపోటుతో బాధపడేవారు.. ఆపిల్‌ను చిన్న చిన్న ముక్కులుగా కట్ చేసి మెత్తగా రుబ్బుకోవాలి. ఇలా తయారుచేసిన మిశ్రమంలో కొద్దిగా చక్కెర లేదా తేనె కలిపి సేవిస్తే రక్తపోటు తగ్గుముఖం పడుతుంది. ఆపిల్‌లోని విటమిన్ డి కాలేయంలోని వ్యర్థ పదార్థాలను తొలగిస్తుంది. ఇది ఆకలిని పెంచుటకు మంచి ఔషధంగా పనిచేస్తుంది. రోజూ రాత్రి భోజనం తరువాత ఓ ఆపిల్ తీసుకుంటే మెదడు చురుగ్గా ఉంటుంది.

నారింజ పండు(ఆరెంజ్):

ఈ పండు శరీరంలోని కేలరీలు బర్న్ చేయడంలో సహాయపడుతుంది. బరువు తగ్గడానికి తీసుకునే పండ్లలో ఎక్కువగా నారింజ పండును తీసుకుంటారు. ఎందుకంటే పోషకాలలో నారింజ పండును మెండు అంటారు. ఇందులో చాలా తక్కువ పాళ్లలో కేలరీలు ఉంటాయి. నారింజలో ఎలాంటి సెచ్యురేటెడ్ ఫ్యాట్ లేదా కొలెస్ట్రాల్ ఉండదు. అంతేకాదు ఇందులో డైటరీ ఫైబర్ కూడా ఉంటుంది. దీని వల్ల శరీరంలో ఉన్న విషతుల్యాలు బయటికి వెళ్లిపోతాయి. నారింజ పండు జీర్ణవ్యవస్థను పూర్తిగా, చక్కగా పని చేయడం మొదలు పెడుతుంది. నారింజలో అత్యధిరంగా విటమిన్ సి ఉంటుంది. ఇది ఒక సిట్రస్ ఫ్రూట్. సహజసిద్ధమైన యాంటీ ఆక్సిడెంట్స్‌తత్వాలు నారింజలో ఉంటాయి. నారింజ రక్తాన్ని శుభ్రపరచడమే కాకుండా స్డామినా పెంచుతుంది.

గోల్డెన్ కివీ పండు:

ఈ పండులో కేలరీలు తక్కువగా, ఫైబర్ అధికంగా ఉంటుంది, ఇది బరువు తగ్గేవారికి చాలా ప్రయోజనకరంగా ఉంటుందని రుజువు చేసింది. కివీ పండును క్రమం తప్పకుండా తీసుకోవడం వల్ల రోగనిరోధక శక్తి పెరుగుతుంది. ఈ పండులో అధిక శాతం నీరు ఉంటుంది. అందువల్ల ఈ పండు తింటే శరీరాన్ని హైడ్రేట్‌గా ఉంచుతుంది. గోల్డెన్ కివీ పండును ఫ్రూట్ సలాడ్‌లో మిక్స్ చేసుకుని తినవచ్చు. మిగిలిన పళ్లలో లేని ఎన్నో పోషక గుణాలు ఈ కివీ పండులో ఉన్నాయి. కివీ పండు కేవలం ప్లేట్‌లెట్ల సంఖ్యను పెంచడమే కాదు.. ఇతర పలు అనారోగ్యాలకు కూడా సూపర్ మెడిసిన్‌గా పనిచేస్తుంది. మధుమేహం, గుండె జబ్బులు, నిద్రలేమితో బాధపడేవారికి ఇదొక దివ్య ఔషధం.

గమనిక:

ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

10 views0 comments